وزیراعظم نے سول سروس اصلاحات کیلئے ٹاسک فورس قائم کردی

اسلام آباد: وزیراعظم عمران خان نے سول سروس اصلاحات کیلئے ٹاسک فورس قائم کردی ہے اسٹیٹ بینک کے سابق گورنر ڈاکٹرعشرت حسین کوجس کا چیئرمین مقررکیا گیا ہے، جبکہ ٹاسک فورس میں 19 ارکان شامل کئے گئے ہیں۔
کابینہ ڈویژن نے ٹاسک فورس کے ضابطہ کار (ٹی او آرز) بھی جاری کردیے ہیں جس کے مطابق ٹاسک فورس ایکشن پلان پرعمل درآمد کا جائزہ لینے کے لیے مانیٹرنگ مکینزم تیار کرے گی۔ٹاسک فورس وزیراعظم اور کابینہ کی جانب سے بھیجے گئے معاملات کو بھی دیکھے گی، ٹاسک فورس پلان پرعمل درآمد کے لیے مطلوبہ قانون سازی بھی کروائے گی۔
ٹاسک فورس وفاق اور صوبائی سطح پر پبلک سروس اسٹرکچر ڈیزائن کرے گی، وفاقی، صوبائی سطح پر ہیومن ریسورس پالیسیز، منیجمنٹ، ریکروٹمنٹ، ٹریننگ اور کیریئر پلاننگ کے امور بھی دیکھے گی۔کابینہ ڈویژن نے وزیراعظم کی منظوری کے بعد ٹاسک فورس کے قیام کا نوٹیفکیشن جاری کردیا ہے۔

تبصرے بند ہیں.