فیصل رضاعابدی 2روزہ جسمانی ریمانڈ پر پولیس کے حوالے

0

اسلام آباد : چیف جسٹس کیخلاف نازیبا گفتگو پر توہین عدالت کیس میں انسداددہشت گردی کی عدالت نے فیصل رضاعابدی کا دو روزہ جسمانی ریمانڈ پر پولیس کے حوالے کردیا۔
اسلام آباد کی انسداد دہشت گردی عدالت میں فیصل رضاعابدی کے خلاف توہین عدالت کیس کی سماعت ہوئی،اس موقع پر فیصل رضاعابدی کو انسداد دہشت گردی کی عدالت میں ہتھکڑیاں لگا کر پیش کیا گیا۔
عدالت نمبر 2 کے جج شاہ رخ ارجمند نے کیس کی سماعت کی، اس دوران پولیس کی جانب سے رپورٹ پیش کی گئی جس کے بعد عدالت نے فیصل رضاعابدی کی عبوری ضمانت منسوخ کردی، فیصل رضاعابدی نے 2 اکتوبر کو انسداد دہشت گردی عدالت نمبر 1 سے عبوری ضمانت حاصل کی تھی۔
عدالت میں پیشی کے موقع پر فیصل رضا عابدی کا کہنا تھا کہ جھوٹ بول کر جیتنے سے بہتر ہے سچ بول کر بندہ ہار جائے، رات مجرموں کے ساتھ گزاری قانون کی بالادستی کا یہی بڑا ثبوت ہے تاہم حق غالب آ کر رہے گا اور باطل مٹ کر رہے گا۔

جواب چھوڑیں

آپ کا ای میل ایڈریس شائع نہیں کیا جائے گا.