ن لیگ نے پیپلز پارٹی کی وکٹ گرادی

پیپلز پارٹی کے سابق ایم این اے شاہ جہان بلوچ نے مسلم لیگ (ن) میں شمولیت اختیار کرلی۔
پیپلز پارٹی کے دل اور گڑھ سمجھے جانے والے لیاری سے (ن) لیگ نے پیپلز پارٹی کی وکٹ گرادی اور سابق رکن قومی اسمبلی شاہجہاں بلوچ (ن) لیگ میں شامل ہوگئے۔
شاہ جہان بلوچ نے کوٹ لکھپت جیل میں مسلم لیگ (ن) کے تاحیات قائد نواز شریف سے ملاقات کی اور قیادت پراعتماد کا اظہارکیا، شاہ جہان بلوچ نے لاہور میں حمزہ شہباز سے بھی ملاقات کی اور (ن) لیگ میں شمولیت کا باضابطہ اعلان کیا۔
اس موقع پر شاہ جہان بلوچ کا کہنا تھا کہ مسلم لیگ (ن) ہی وفاقی جماعت ہے اور ہمارے شہر کو اس جماعت کی ضرورت ہے، اس وقت مسلم لیگ (ن) مشکل میں ہے اور میں اس کا ساتھ دینے کے لیے اس میں شامل ہوا ہوں۔

تبصرے بند ہیں.