نئی ٹی20 رینکنگ جار ی۔ قومی ٹیم پہلی پوزیشن پر براجمان

انٹرنیشنل کرکٹ کونسل ( آئی سی سی) نے نئی ٹی 20 رینکنگ جاری کردی ۔

نئی ٹی ٹوئنٹی رینکنگ کے مطابق جنوبی افریقا کیخلاف حالیہ سیریز میں ناکامی کے بعد پاکستان ٹیم کی رینکنگ میں تین درجہ تنزلی ہوئی تاہم وہ 135 پوائنٹس کے ساتھ بدستور پہلی پوزیشن پر براجمان ہے۔

نیوزی لینڈ کے ہاتھوں شکست کے بعد بھارت کی رینکنگ میں دو درجہ تنزلی آئی اور 124 پوائنٹس کے ساتھ دوسرے نمبر پر ہے جب کہ جنوبی افریقا کی ٹیم 4 پوائنٹس پا کر 118 پوائنٹس کے ساتھ تیسرے نمبر پر آگئی۔

انگلش ٹیم 118 پوائنٹس کے ساتھ چوتھے، آسٹریلیا 117 پوائنٹس کے ساتھ پانچویں اور نیوزی لینڈ کی ٹیم 4 درجے ترقی پاکر 116 پوائنٹس کے ساتھ چھٹے نمبر پر ہے۔

رینکنگ میںویسٹ انڈیز ساتویں ،افغانستان 8ویں، سری لنکا نویں اور بنگلہ دیش کا دسواں نمبر ہے۔

تبصرے بند ہیں.