نیب کے زیادہ تر افسر تفتیش کے بنیادی قواعد سے لاعلم ہیں۔سندھ ہائیکورٹ

چیف جسٹس سندھ ہائیکورٹ نے ریماکس دیئے جس شخص کو لکھنا نہیں آتا وہ کرپشن کی تحقیقات کیسے کرے گا،نیب کے زیادہ تر افسر تفتیش کے بنیادی قواعد سے لاعلم ہیں۔

چیف جسٹس سندھ ہائیکورٹ احمد علی شیخ اور جسٹس عمر سیال پر مشتمل دو رکنی بنچ نے لوکل گورنمنٹ کشمور میں کرپشن سے متعلق کیس کی سماعت کی تو نیب تفتیشی افسر کی جانب سے سوالوں کے جواب نہ دینے پر عدالت برہم ہوگئی۔

چیف جسٹس نے ریمارکس دیئے محکمہ اینٹی کرپشن ایک بار انکوائری ختم کرچکا ہے تو نیب دوبارہ انکوائری کیسے کرسکتا ہے۔ عدالت نے ڈی جی نیب سے وضاحت طلب کرلی۔

عدالت نے کہا کہ نیب کے بیشتر تفتیشی افسر، تفتیش کے بنیادی قواعد سے لاعلم ہیں، نیب 2018 سے انکوائری کررہا ہے، بتایا جائے کس قانون کے تحت انکوائری کی جارہی ہے، اینٹی کرپشن ڈیپارٹمنٹ نے چالان جمع کردیا تو نیب نے کیسے مداخلت کی؟۔

چیف جسٹس نے کہا کہ نیب نے ایسا تفتیشی افسر بھرتی کیا جو اسٹیٹمنٹ نہیں لکھ سکتا۔ چیف جسٹس نے تفتیشی افسر سے مکالمہ کیا کتنے عرصے سے تفتیش کررہے ہو؟ جس شخص کو لکھنا نہیں آتا وہ کرپشن کی تحقیقات کیسے کرے گا؟۔

ہائی کورٹ نے نیب کو چیف آفیسر لوکل گورنمنٹ کشمور اظہر مہیسر کے خلاف مزید کارروائی سے روک دیا۔

جواب چھوڑیں

آپ کا ای میل ایڈریس شائع نہیں کیا جائے گا.