ملک بھرمیں شب برأت انتہائی عقیدت واحترام کیساتھ منائی جارہی ہے

ملک بھر میں شب برأت آج انتہائی عقیدت و احترام کے ساتھ منائی جارہی ہے۔

شب برأت کو لیلۃ المبارکہ اور لیلۃ الرحمۃ بھی کہا گیا ہے۔ شب برأت دراصل اس عزم و عہد کی رات ہے جب بندہ اللہ سے مغفرت طلب کرکے گناہوں کو ہمیشہ کے لیے چھوڑ دینے کا عزم و عہد کرتا ہے۔

اس بابرکت رات اہل ایمان رب کائنات کے حضور سربسجود ہو کر توبہ و استغفار، اپنے اعمال کی اصلاح، گناہوں سے توبہ، رزق میں برکت اور صحت و تندرستی کے لئے دعائیں مانگی جاتی ہیں۔

اس مناسبت سے نذر و نیاز کا بھی خصوصی اہتمام کیا گیا ہے جب کہ شب برأت پر بڑی تعداد میں لوگ قبرستانوں کا بھی رخ کررہے ہیں اپنے پیاروں کی قبروں پر پھول چڑھانے کے ساتھ ساتھ ان کی مغفرت کے لیے فاتحہ خوانی بھی کرنے میں مصروف ہیں۔

شب برأت کے سلسلے میں قبرستانوں میں صفائی ستھرائی اور چراغاں کے خصوصی انتظامات کیے گئے ہیں جبکہ ملک بھر میں سیکیورٹی کے سخت انتظامات سخت کیے گئے ہیں۔

تبصرے بند ہیں.