سونے کی فی تولہ قیمت 1900 روپے کمی

سونے کی قیمت 1900 روپے کمی کے بعد 79 ہزار 600 روپے کی سطح پر آگئی۔

نجی ٹی وی کے مطابق گزشتہ 2 روز کے دوران ڈالر کی قیمت میں تقریباً 8 روپے کا اضافہ ہوا تاہم آج انٹربینک مارکیٹ میں ڈالر کی قیمت میں نمایاں کمی دیکھنے میں آئی ہے۔

انٹر بینک مارکیٹ میں ڈالر 5 روپے سستا ہوا اور 164.05 سے کم ہوکر 159 روپے 04 پیسے پر پہنچ گیا جب کہ اوپن کرنسی مارکیٹ میں بھی ڈالر کی قدر 2 روپے 50 پیسے کی کمی سے 161 روپے کی سطح پر آگئی۔

ڈالر کی کمی کے بعد عالمی بلین مارکیٹ میں سونے کی قیمت میں بھی کمی دیکھنے میں آئی اور فی اونس سونے کی قیمت 9 ڈالرکی کمی سے 1414 ڈالر کی سطح پر آگئی، عالمی مارکیٹ میں قیمتوں میں کمی کے بعد ملکی صرافہ مارکیٹوں میں بھی ایک ہی دن میں سونے کی فی تولہ قیمت میں 1900 اور دس گرام سونے کی قیمت میں 1628 روپے کی کمی ہوگئی۔

قیمتوں میں کمی کے بعد کراچی، حیدرآباد، سکھر، ملتان، لاہور، فیصل آباد، راولپنڈی، اسلام آباد، پشاور اورکوئٹہ کی صرافہ مارکیٹوں میں فی تولہ سونے کی قیمت کم ہو کر79 ہزار600 روپے  جب کہ 10 گرام سونے کی قیمت  کمی کے بعد 68 ہزار244 روپے ہوگئی۔

تبصرے بند ہیں.