سونے کی فی تولہ قیمت 80 ہزار روپے سے تجاوز کر گئی

سونے کی فی تولہ قیمت 1300 روپے اضافے کے ساتھ 80 ہزار 300 روپے کی سطح پر پہنچ گئی۔

نجی ٹی وی کے مطابق بدھ کے روز بھی اسٹاک ایکسچینج میں مندی کا رجحان رہا اور 100 انڈیکس 15 پوائنٹس کمی سے 33840 کی سطح ہر بند ہوا، اور 1.63 ارب روپے مالیت کے 4 کروڑ شئیرز کا کاروبار کیا گیا، جب کہ ڈالرکی قیمت میں بھی اضافہ ہوااورانٹربینک مارکیٹ میں ڈالرکی قدر80 پیسے بڑھ کر158 روپے17 پیسے کی سطح  پر پہنچ گئی تاہم کاروبار کے اختتام پر انٹربینک میں ڈالر 50 پیسے اضافے کے ساتھ 157.37 سے بڑھ کر 157.88 روپے پر بند ہوا، جب کہ اوپن مارکیٹ میں ڈالرکی قدر 80 پیسے کے اضافے سے 158 روپے50 پیسے کی سطح پرآگئی۔

ڈالر کی اڑتی اڑان نے سونے کی قیمت کو بھی پر لگا دیئے اور مقامی صرافہ مارکیٹوں میں ایک ہی دن میں سونے کی فی تولہ اور دس گرام قیمت میں بالترتیب 1300 روپے اور 1114 روپے کا اضافہ ہوگیا، دوسری جانب عالمی مارکیٹ میں بھی سونے کی فی اونس قیمت 4 ڈالر اضافے کے ساتھ 1396 روپے ہوگئی۔

ڈالر کی قدر میں اضافے اورعالمی مارکیٹ میں سونے کی قیمت بڑھنے کے بعد کراچی، حیدرآباد، سکھر، ملتان، لاہور، فیصل آباد، راولپنڈی، اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت اضافے کے بعد 80 ہزار 300 روپے اور دس گرام سونے کی قیمت 68 ہزار844 روپے ہوگئی۔

جواب چھوڑیں

آپ کا ای میل ایڈریس شائع نہیں کیا جائے گا.