ایرانی جنرل پر امریکی حملے کی ویڈیو۔قیامت خیز منظر

ایرانی جنرل قاسم سلیمانی پر کئے گئے امریکی ڈرون حملے کے فوری بعد کے مناظر سامنے آگئے۔ویڈیو میں ہونے والی تباہی، افراتفری اور لوگوں کی چیخ و پکار نے لوگوں کے دہلا دیے۔

ویڈیومیں دیکھا جاسکتا ہے کہ کس طرح ایک مصروف سڑک پر میزائل برسائے گئے ہیں۔لوگ جان بچانے کیلئے یہاں وہاں بھاگ رہے ہیں اور چیخ و پکار کررہے ہیں۔ایسے میں لوگوں کی جانب سے دعائیہ کلمات کی ادائیگی بھی سننے کو مل رہی ہے

Immediate aftermath

Immediate aftermath of missile attack in Iraq that killed Iranian commander Soleimani

Posted by The-Kingdom on Friday, January 3, 2020

سڑک پرقیامت صغریٰ کا منظر ہے لوگوں کو سمجھ نہیں آرہی کہ وہ کس طرف کو جائیں اس موقع پر بے سمت گاڑیوں کے ہارنز خوف میں مزید اضافہ کرتے سنائی دے رہے ہیں۔

ایرانی پاسداران انقلاب کے القدس بریگیڈ کے سربراہ جنرل قاسم سلیمان کو ڈرون حملوں سے متعدد میزائل فائر کر کے قتل کیا گیا۔ میزائل دو گاڑیوں پر فائر کئے گئے جن پر قاسم سلیمانی اور دوسرے اعلیٰ ایرانی عہدیدار سوار تھے۔

العربیہ کے مطابق  آپریشن بغداد ہوائی اڈے کے کارگو سیکشن کے قریب کیا گیا۔ وہ لبنان سے بغداد آنے والی پرواز سے باہر نکلے ہی تھے کہ ڈرون حملہ کیا گیا،عراق کے مقامی وقت رات گئے ایک بجے ڈرون حملہ کیا گیا۔ اطلاعات کے مطابق کارروائی میں چار ہل فائر میزائل داغے گئے، جن کی زد میں آ کر اعلیٰ ایرانی فوجی قیادت ہلاک ہوئی۔

اس حملے میں پاسداران انقلاب کی قدس فورس کے سربراہ ایرانی جنرل قاسم سلیمانی ،پاپولرموبلائزیشن فورس (پی ایم ایف) کے ڈپٹی کمانڈرابومہدی المہندس اوردیگر چھ افراد بھی جاں بحق ہوئے۔

تبصرے بند ہیں.