بینظیر انکم سپورٹ پروگرام میں فراڈ۔4 افسران نوکری سے برطرف

حکومت نے بینظیر انکم سپورٹ پروگرام میں فراڈ کرنے والوں کے خلاف ایکشن لیتے ہوئے گریڈ 17 کے 4 افسران کو نوکری سے برطرف کردیا۔

بینظیرانکم سپورٹ پروگرام سے فائدہ اٹھانے والے گریڈ 17 کے 4 افسران کو کرپشن ثابت ہونے پرنوکری سے برطرف کیا گیا، چاروں افسران بیگمات کے نام پر بینظیرانکم سپورٹ پروگرام سے پیسے لیتے رہے، افسران سے چارلاکھ 40 ہزار196 روپے بھی ریکورکرلیے گئے۔

خیال رہے کہ غریبوں کا حق کھانے والوں میں بی آئی ایس پی کے افسران خود بھی شامل تھے، ان میں بینظیرانکم اسپورٹس کے اسسٹنٹ ڈائریکٹربھی بہتی گنگا میں ہاتھ دھوتا رہا۔ بی آئی ایس پی ڈیرہ اسماعیل خان کے اسسٹنٹ ڈائریکٹر محمد نعمان ضہیم کو گزشتہ روز شوکاز نوٹس جاری کیا گیا۔

تبصرے بند ہیں.