سابقہ ملکہ حسن اپنے ہی دوست کے ہاتھوں قتل

 روس میں سابقہ ملکہ حسن کو ان کے دوست نے ہی گلہ کاٹ کر قتل کردیا۔

برطانوی میڈیا کے مطابق 33 سالہ روسی حسینہ اولگا شلیا مینا گزشتہ 5 روز سے لاپتہ تھیں جس پران کے اہل خانہ نے پولیس میں رپورٹ درج کرائی، پولیس نے کارروائی کا آغاز کیا اور تلاش کے دوران روس کے قصبے نوووڈ وینکس سے روسی حسینہ اولگا کی سرکٹی لاش برآمد ہوئی۔

روسی حسینہ کی لاش ملنے کے بعد پولیس نے تحقیقات شروع کیں اور سراغ لگاتے ہوئے اولگا کے دوست 40 سالہ فیاچیسلاف تک جاپہنچی، پولیس کی تفتیش کے دوران روسی حسینہ کے دوست نے قتل کا اعتراف کرتے ہوئے کہا کہ کئی سالوں سے ہماری دوستی تھی تاہم چند روز قبل اولگا نے روسی حسینہ کا ٹائٹل جیتا تھا جس کے بعد مجھے ڈر لگا رہتا تھا کہ کہیں وہ اس کا استعمال کرکے کسی دوسرے شخص کے ساتھ شادی نہ کرلے۔

روسی حسینہ کے دوست نے مزید بتایا کہ ٹائٹل جیتنے کے بعد ہمیشہ میں خوف میں مبتلا رہتا تھا اور اسی ڈر کی وجہ سے ایک دن میں اس کو جنگل میں لے گیا جہاں میں نے اس کا سر قلم کیا اورلاش برف میں چھپادی۔