فیفا نے فیصلہ پاکستان فٹبال ہائوس لاہور پر قبضہ ختم نہ کیے جانے پر کیا
فیفا نے فیصلہ پاکستان فٹبال ہائوس لاہور پر قبضہ ختم نہ کیے جانے پر کیا

فیفانے پاکستان کی رکنیت معطل کردی

فیڈریشن انٹرنیشنل فٹبال ایسوسی ایشن (فیفا )نے پاکستان کی رکنیت معطل کردی۔

نجی ٹی وی کے مطابق فیفا حکام کا کہنا ہے پاکستان کو پی ایف ایف میں بیرونی مداخلت پر معطل کیا گیا ہے، معطلی کی وجہ پی ایف ایف ہیڈکوارٹر پر قبضہ بنی ہے،فیفا کی رکنیت پاکستان فٹ بال ایسوسی ایشن نارملائزیشن کمیٹی کو اختیارات کی واپسی تک معطل رہے گی۔

واضح رہے کچھ عر صہ قبل فیفا کی جانب سے پاکستان کو رکنیت معطلی کے حوالے سے وارننگ دی گئی تھی کہ جتنا جلد ہو سکے پی ایف ایف ہیڈکوارٹر سے قبضہ ختم کروا یا جائے اور نارملائزیشن کمیٹی کو اس کے اختیارات واپس دیے جائیں۔