گاڑیوں کی قیمتوں میں کمی کا اطلاق دو روز میں ہو جائے گا۔ حکومت

وفاقی حکومت نے بجٹ 2021-22 میں گاڑیوں کی قیمتوں میں کمی کا اعلان کیا تھا، اب حکومت کی جانب سے کہا گیا ہے کہ گاڑیوں کی قیمتوں میں کمی کا اطلاق ایک سے دو روز میں ہو جائے گا۔

اسلام آباد میں وفاقی وزیر اطلاعات فواد چوہدری اور وفاقی وزیر خسرو بختار نے پریس کانفرنس کی ، خسرو بختیار نے کہا کہ 660سی سی گاڑیوں کی قیمت میں ایک لاکھ 5ہزار روپے تک کمی ہو گی ، جبکہ اطلاق بھی ایک دو روز میں ہو جائے گا، آنے والے وقت میں گاڑیوں کی لیز کا طریقہ کار بھی آسان کریں گے ۔

فواد چوہدری نے کہا کہ ماضی میں ملک میں خرچے زیادہ اور آمدن کم تھی ، وزیراعظم کا ویژن ہے کہ ملک میں معاشی استحکام لانا ہے ، گاڑیوں کی قیمتوں میں بھی کمی آئی ہے ، پاکستان کی معیشت بہتر ہو رہی ہے ، ہماری روز مرہ کی چیزوں کی قیمتوں میں کمی آئی ہے ، ہم نے انڈسٹری کو بہتر کیا ہے ، نوجوانوں کیلئے بھی ایک زبردست سکیم لے کر آرہے ہیں ۔

جواب چھوڑیں

آپ کا ای میل ایڈریس شائع نہیں کیا جائے گا.