بھارتی جنگی بحری جہاز میں دھماکا۔ 3اہلکار ہلاک ،10 زخمی

ممبئی:بھارتی جنگی بحری جہاز میں دھماکے سے 3اہلکار ہلاک اور10 زخمی ہوگئے۔

بھارتی میڈیا کے مطابق بھارتی جنگی بحری جہاز میں دھماکا ہوا جس کے نتیجے میں بھارتی بحریہ کے 3 اہلکار ہلاک اور10 زخمی ہوگئے۔ جہاز ممبئی میں لنگرانداز تھا۔

بھارتی بحریہ کی جانب سے جاری بیان میں کہا گیا ہے کہ  ممبئی کے نیول ڈاکیارڈ میں لنگرانداز آئی این ایس رنویرکے اندرونی حصے میں دھماکا ہوا جس سے بحریہ کے3 اہلکار ہلاک ہوگئے۔ دھماکے میں 10 اہلکارزخمی بھی ہوئے۔دھماکے  سے جہاز کو کوئی بڑا نقصان نہیں ہوا۔

بیان میں مزید کہا گیا ہے کہ واقعے کی تحقیقات کیلیے بورڈ قائم کردیا گیا ہے۔آئی این ایس رنویر 1986 میں بھارتی بحریہ کے بیڑے میں شامل ہوا تھا۔