پہلا ٹی ٹوئنٹی، انگلینڈ نے پاکستان کو شکست دے دی

کراچی: پہلے ٹی ٹوئنٹی میچ میں انگلینڈ نے پاکستان کو 6 وکٹوں سے شکست دے دی۔نیشنل اسٹیڈیم کراچی میں کھیلے گئے میچ میں انگلینڈ  نے پاکستان کی جانب سے دیا گیا 159 رنز کا ہدف باآسانی چار وکٹوں کے نقصان پر اننگز کے آخری اوور میں حاصل کر لیا۔

انگلینڈ کے الیکس ہیلز 53 اور ہیری بروک 42 رنز بنا کر نمایا ں رہے، بین ڈکٹ 21، ڈیوڈ ملان 20 اورفل سالٹ نے 10رنز بنا کر آؤٹ ہوئے۔

پاکستان کی جانب سے عثمان قادر نے 2 کھلاڑیوں کو آوٹ کیا جب کہ حارث روف اور شاہنواز دھانی کی ایک ایک وکٹ حاصل کی۔

اس سے پہلے انگلینڈ نے ٹاس جیت کے پاکستان کو بیٹنگ کی دعوت دی۔قومی ٹیم کی جانب سے اننگز کا آغاز کپتان بابراعظم اور محمد رضوان نے کیا، دونوں نے پہلی وکٹ کے لیے 85 رنز کی شراکت داری قائم کی۔

بابراعظم 31 کے انفرادی اسکور پر آؤٹ ہوئے جب کہ محمد رضوان نے 68 رنز کی اچھی اننگز کھیلی۔ قومی ٹیم کا مڈل آرڈر ایک مرتبہ پھر ناکام ثابت ہوا۔

ٹیم میں کی گئی تبدیلیاں بھی اچھی ثابت نہ ہو سکیں، حیدر علی 13 جب کہ ڈیبیو کرنے والے شان مسعود 7 رنز بنا کر آؤٹ ہو گئے۔

اننگز کے آخری اوورز میں افتخار احمد نے 28 رنز بنائے جب کہ خوش دل شاہ کا بلا ایک مرتبہ پھر گیند ٹائم کرنے میں ناکام رہا اور وہ سات گیندوں پر پانچ رنز ہی بنا سکے۔انگلینڈ کی جانب سے ووڈ نے تین جب کہ راشد نے دو کھلاڑیوں کو آؤٹ کیا۔

یہ بھی دیکھیں

 قومی ٹیم کے فاسٹ باؤلر نسیم شاہ میں نمونیا کی تشخیص

سیم شاہ کی آئندہ میچز میں شرکت اور اسکواڈ کے ہمراہ نیوزی لینڈ روانگی کا فیصلہ ان کی میڈیکل رپورٹس دیکھنے کے بعد کیا جائے گا۔

جواب دیں

آپ کا ای میل ایڈریس شائع نہیں کیا جائے گا۔