مہمانوں کو پیش کیا گیا کیک چوہا کھا گیا

کراچی: مہمانوں کے لیے پیش کیا گیا کیک میٹنگ کے دوران ہی چوہا کھا گیا جس کی ویڈیو سوشل میڈیا پر وائرل ہو گئی۔ سماجی رابطے کی ویب سائٹ ٹوئٹر پر ایک ویڈیو شیئر کی گئی جس میں دلچسپ صورتحال یہ تھی کہ میٹنگ کے دوران ہی ٹیبل پر رکھا کیک چوہا کھا رہا ہے اور کسی کو معلوم ہی نہیں جبکہ چوہا بھی اطمینان کے ساتھ کیک کھانے میں مصروف ہے۔

Rat in the meeting… pic.twitter.com/I0cF6Lz8gZ

— Dr Arif Khawaja MDS (@DrArifKhawaja) December 5, 2022

سوشل میڈیا پر وائرل ہونے والی ویڈیو میں دیکھا جا سکتا ہے کہ میٹنگ کے شرکا میٹنگ کنڈیکٹ کرنے والے کو سننے میں مصروف ہیں اور اس دوران چوہا بڑے سکون کے ساتھ کیک کے مزے لے رہا ہے۔

اجلاس کے دوران کیمرہ مین نے جب کیمرے کو زوم کیا تو چوہے کی چوری پکڑی گئی۔ ویڈیو ٹوئٹ کرنے والے صارف نے لکھا کہ چوہا میٹنگ میں، جس پر دیگر صارفین نے دلچسپ تبصرے کیے۔