سعودی عرب پر حوثی باغیوں کے 2 ڈرون حملے ناکام بنا دیے گئے

عرب فوجی اتحاد نے سعودی عرب میں حوثی باغیوں کے 2 ڈرون حملے ناکام بنا دیے۔

عرب میڈیا کی رپورٹ کے مطابق یمن میں برسرپیکار شدت پسند حوثیوں نے ایک بار پھر سعودی عرب پرڈرون حملے کی کوشش کی،عرب اتحاد نے دہشت گردوں کےعزائم خاک میں ملا دیے۔

رپورٹ میں کہا گیا ہے کہ حوثی باغیوں نے خمیس مشیط شہرکو نشانہ بنانےکی کوشش کی،عرب اتحاد نے دونوں ڈرونزکو فضا میں ہی تباہ کردیا اس طرح سعودی عرب مالی اور جانی نقصان سے ایک بار پھر بچ گیا۔

یاد رہے کہ رواں سال سعودی عرب نے متعدد حوثی ڈرون مار گئے ہیں تاہم گزشتہ سال ستمبر میں سعودی عرب کی تیل کی دو بڑی فیکٹریوں پر ڈرون حملوں کے نتیجے میں آگ لگ گئی تھی جس سے شدید مالی نقصان ہوا تھا۔ یہ فیکٹریاں سعودی عرب کی ریاستی ملکیت میں چلنے والی کمپنی چلاتی ہیں۔