پولیس کے مطابق ملزمان نے جرم کا اعتراف کرلیا ۔فائل فوٹو 
پولیس کے مطابق ملزمان نے جرم کا اعتراف کرلیا ۔فائل فوٹو 

بھکر کی تحصیل دریا خان میں 5 ملزمان کی خاتون سے اجتماعی زیادتی.

بھکر کی تحصیل دریا خان میں بیٹی کے لیے رشتہ دیکھنے کا جھانسہ دے کر جھنگ سے خاتون کو بلاکر پانچ ملزمان نے مبینہ طور پر اجتماعی زیادتی کا نشانہ بناڈالا۔

پولیس کے مطابق جھنگ کی رہائشی خاتون نے درخواست دی ہے کہ ایک ملزم نے اسے بیٹی کا رشتہ دکھانے کے لیے دریاخان بلوایا، دریا خان پہنچنے پر ملزم نے لڑکے کا گھر دکھانے کے لیے کار میں بٹھایا لیکن کار جنگل کی طرف لے گیا۔

خاتون نے مزید بتایا کہ ملزم نے جنگل میں پستول دکھاکر اپنے مزید چار دوستوں کے ساتھ مل کر اجتماعی زیادتی کی۔

خاتون نے بتایا کہ ملزمان نے اس سے 10 ہزار روپے بھی چھین لیے۔ پولیس کے مطابق خاتون کی درخواست پر پانچوں ملزمان کے خلاف مقدمہ درج کرلیا گیا ہے اور ملزمان کی گرفتاری کے لیے چھاپے مارے جارہے ہیں۔