حمزہ کو بلیک لسٹ کرنے کا اقدام چیلنج

0

لاہور(امت نیوز)پنجاب میں اپوزیشن لیڈر حمزہ شہباز کا نام بلیک لسٹ میں شامل کرنے کا اقدام لاہور ہائیکورٹ میں چیلنج کردیا گیا۔نجی ٹی وی کے مطابق حمزہ شہباز نے ہائیکورٹ میں آئینی درخواست دائر کر دی۔ درخواست میں وزارت داخلہ، پاسپورٹ، امیگریشن حکام اور نیب کو فریق بنایا گیا ہے۔حمزہ شہباز نے درخواست میں موقف اختیار کیا کہ نومبر 2018میں برطانیہ جانے لگا تو ایئرپورٹ پر پتہ چلا کہ نام ای سی ایل میں ہے۔ وزارت داخلہ کو نام ای سی ایل سے نکالنے کیلئے خطوط لکھے مگر جواب نہیں ملا، وزارت داخلہ نے نیب میں بعض مقدمات زیر انکوائری ہونے کی بنیاد پر نام ای سی ایل میں ڈالا، نیب کی تمام انکوائریوں میں باقاعدگی سے شامل تفتیش ہو رہا ہوں۔ وزارت داخلہ کو بلاجواز کسی پاکستانی کی نقل و حرکت روکنے کا اختیارنہیں، آئین کے تحت آزادانہ نقل و حرکت بنیادی حق ہے۔ حمزہ شہباز نے استدعاکی کہ عدالت وزارت داخلہ کو نام بلیک لسٹ سے نکالنے کا حکم دے۔
٭٭٭٭٭

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More