جنوبی افریقہ کا پاکستان کیخلاف پلڑا بھاری

لاہور(امت نیوز)پاکستان اور سائوتھ افریقہ کے مابین اب تک دنیا کے مختلف ممالک میں ہونے والے ون ڈے میچز میں جیت کے حوالے سے سائوتھ افریقہ کا پلڑا بھاری ہے ۔ دونوں ٹیموں کے مابین 1992-2017تک 73ون ڈے میچز ہوئے جس میں سے پاکستان کی ٹیم نے 25جیتے 47ہارے اور ایک کا نتیجہ نہیں نکل سکا ۔ سائوتھ افریقہ کی سرزمین پر ہونے والے ون ڈے میچز میں بھی جیت کے حوالے سے سائوتھ افریقن ٹیم کا پلڑا بھاری رہا۔