کراچی(اسٹاف رپورٹر) بین الصوبائی کار لفٹر گینگ کے 4کارندوں سمیت 32 ملزمان کو گرفتار کرلیا گیا جبکہ ان کے قبضے سے اسلحہ،منشیات ودیگر سامان برآمدکرکیا گیا ہے۔ اینٹی کار لفٹنگ سیل پولیس نے گلشن اقبال میں کارروائی کرتے ہوئے بین الصوبائی کار لفٹر گینگ کے 4کارندوں سرفراز، احسان، مبارک علی، خیر محمد کو گرفتار کر کے 6 مسروقہ کاریں برآمد کرلیں۔ رینجرزسندھ نے گذری،صدر،گلشن اقبال میں 5ملزمان توقیر حسن ،توقیر منیر،یوسف،حسنین رضا،آدم خان کو ٹیپو سلطان میں ملزم عبدالطیف کو گرفتار کیا جو کہ منشیات فروشی میں ملوث ہے۔ پاکستان بازار پولیس نے ملزم راشد فاروق عرف چادر کو صدر پولیس نے منشیات فروش توقیر کو جوہرآباد پولیس نے2ملزمان نذیر بلوچ اور شاہد حسین کو نیو کراچی پولیس نے سیکٹر 11/Dمیں قائم گٹکا فیکٹری پر چھاپہ مار کر2ملزمان محمد اور اسماعیل کو گرفتار کر کے بھاری مقدار میں گٹکا برآمد کرلیا ۔