کراچی (اسٹاف رپورٹر) تحریک انصاف کے کارکنان نے جلسہ گاہ میں اذان مغرب کے دوران بھی ناچ گانا اور بھنگڑوں کا سلسلہ نہ روکا۔ ہا جس سے قریبی مساجد میں نمازیوں کو خلل کا سامنا رہا۔ اتوار کو ہی خود کش حملے میں پارٹی رہنما اکرام اللہ خان گنڈا پور کی شہادت کے باوجود سوگ کے تاثر کا فقدان رہا۔ تفصیلات کے مطابق جلسے کے شرکا نے مغرب کی اذان کا احترام بھی نہ کیا گیا۔ اس دوران جلسہ گاہ کے قریب واقع جامع مسجد تحفظ ختم نبوت میں نماز مغرب ادا کرنے والوں کو پی ٹی آئی کارکنان ناچ گانے کے باعث خلل کا سامنا کرنا پڑا۔ پی ٹی آئی کارکنان باغ جناح گراؤنڈ میں جلسے کے دوران چند گھنٹے قبل خود کش دھماکے میں پی ٹی آئی رہنما سابق وزیر زراعت خیبر پختون سردار اکرام اللہ خان گنڈا پور کی شہادت پر سوگ کا رتی بھر تاثر نہ پایا گیا۔سوگ منانے کے بجائے پی ٹی آئی کارکنان ناچتے،گاتے اور بھنگڑے ڈالتے رہے۔