کراچی(اسٹاف رپورٹر) عام انتخابات میں ضلع نوشہروفیروز میں بھی اپ سیٹ ہوا ہے جہاں پیپلزپارٹی کے امیدوار ذوالفقار بیہن نے جی ڈی اے کے مرتضی خان جتوئی کو شکست دے کر والد کی تاریخ دہرادی۔ 1988 کے عام انتخابات ذوالفقار علی بیہن کے والد رحمت اللہ بیہن نے مرتضیٰ جتوئی کے والد سابق نگران وزیراعظم غلام مصطفی خان جتوئی کو شکست دی تھی۔ جس کے بعد مذکورہ نشست جتوئی خاندان کے پاس ہی رہی اور ایک مرتبہ آصف علی زرداری نے بھی غلام مصطفی جتوئی کا مقابلہ کیا تھا لیکن وہ ہار گئے تھے۔