ٹول پلازہ پر تلاشی کے دوران دو کاروں سے گٹکا و چھالیہ برآمد

حیدرآباد( بیورورپورٹ)موٹروے پولیس سیکٹر تھری کے ترجمان نعیم صدیقی کے مطابق موٹروے پولیس، پاک فوج، رینجرز، کسٹم اوراینٹی نارکوٹکس فورس کی جانب سے حیدرآباد ٹول پلازہ کے قریب ایم نائن موٹر وے پر مشترکہ چیکنگ جاری تھی کہ اس دوران ایک مشتبہ ٹویوٹا کرولا کار نمبراے آر ڈبلیو883کو روک کر اس کی تلاشی لینے کے دوران گاڑی کے خفیہ خانوں اور ڈِگی سے غیر ملکی مضرصحت مین پوری اور گٹکے کی 10 بوریاں برآمد کر لیں اسی طرح ایک وسری مشتبہ گاڑی نمبربی ایف جے 861 کو بھی روک کر اس کی تلاشی کے دوران خفیہ خانوں سے ممنوعہ چھالیہ کی 10 تھیلیاں برآمد کر لیں ، بعد میں موٹر وے پولیس نے مزید کارروائی کےلئے دونوں گاڑیوں اوراُن کے ڈرائیورز سمیت بر آمد کیا گیا ممنوعہ سامان مضر صحت مین پوری، گٹکے اور چھالیہ سمیت کسٹم حکام کے حوالے کر دیا گیا۔