الیکشن کے بعد سوشل میڈیا پر دلچسپ جملے ٹرینڈ بن گئے

کراچی(اسٹاف رپورٹر )الیکشن کے بعدسوشل میڈیا پرمختلف سیاسی جماعتوں اورامیدواروں کے حوالے سے دلچسپ جملے ٹرینڈ بن گئے۔تحریک انصاف کی کامیابی کے بعد چیئرمین عمران خان کے حوالے سے ایک جملے میں عمران خان کو فون کرتے ہوئے اس کیپشن کے ساتھ دکھایا گیا کہ ”یاراس بار شیروانی وزیر اعظم والی سینا دولہے والی نہیں۔ تحریک انصاف کی کامیابی پرایک جملہ بہت شیئر کیا جا رہا ہے کہ ”پس ثابت ہوا کہ انسان خاکی ہے“۔ایم کیو ایم پاکستان کی جانب سے دھاندلی کے الزامات کے بعد جملہ شیئر کیا گیا کہ ”متحدہ کا دعویٰ ہے کہ انتخابات میں شدید دھاندلی ہوئی ہے کیونکہ ہمارے کارکنوں کو صرف ایک ووٹ ڈالنے دیا گیا “۔ پاک سرزمین پارٹی کی بدترین شکست کے بعد سوشل میڈیا پر کئی ایسی تصاویر کیپشن کے ساتھ شیئر کی جا رہی ہیں جن میں مردہ ڈولفن مچھلیاں دکھائی جا رہی ہیں اور کیپشن کچھ اس طرح سے ہیں کہ ”جب پتہ تھا کہ کراچی میں پانی نہیں ہے تو ڈولفن کو لانے کی کیا ضرورت تھی “اور یہ کہ ”کراچی میں پانی کی قلت سے درجنوں ڈولفن مچھلیاںمردہ پائی گئیں“۔اسی طرح قبر کا کتبہ بنا کر اس پر لکھا جملہ شیئر کیا گیاکہ”مرحومہ پی ایس پی ،تاریخ پیدائش 23مارچ 2011،تاریخ وفات 25جولائی 2018“۔ہزاروں صارفین نے یہ جملہ بھی بہت شیئر کیا کہ ”ن لیگ کے کارکن جشن کے لئے خریدی گئی مٹھائی آدھی قیمت پر پی ٹی آئی کارکنوں کوفروخت کرتے ہوئے پکڑے گئے“۔ یہ جملہ بھی شیئر ہوتا رہا کہ ”یہ پہلی حکومت بنے گی جوڈیزل کے بغیر چلے گی“۔