دن میں ہونے والے شفاف انتخابات رات کو مشکوک بنا دیئے گئے- ہیومن رائٹس نیٹ ورک

کراچی (پ ر) ہیومن رائٹس نیٹ ورک کراچی نے کہا ہے کہ شہر میں انتخابات 2018پر امن تھے، مگردن میں ہونے والے شفاف انتخابات رات کو مشکوک بنا دیئے گئے۔ این اے 252، این اے256، این اے 526، این اے 247، پی ایس 129، پی ایس 122، پی ایس ،پی ایس 100سمیت دیگر انتخابی حلقوں میں نتائج روکے گئے،فارم 45,46فراہم نہیں کیے گئے۔ تنظیم کے الیکشن مانیٹرنگ سیل کی ابتدائی رپورٹ کے مطابق بعض پولنگ اسٹیشنز سے پولنگ ایجنٹوں کو نکال دیا گیا۔صدر ہیومن رائٹس نیٹ ورک انتخاب عالم سوری نے مطالبہ کیا کہ سیاسی جماعتوں کے تحفظات فوری دور کیے جائیں ۔