کراچی(پ ر)آل کراچی جیولرز اینڈ مینوفیکچررز ایسوسی ایشن نے کہا ہے کہ حکومت اور تاجر برادری کے درمیان بہتر تعلقات سے معیشت مضبوط ہوگی۔ معاشی ترقی کے بغیر خوشحالی ممکن نہیں۔ ان خیالات کا اظہار ذیشان اختر، حسین قریشی اور راشد علی شاہ پر مشتمل ایسوسی ایشن کے نمائندہ وفد نے گورنر سندھ سے ملاقات کے بعد پریس کانفرنس سے خطاب میں کیا۔ انہوں نے کہا کہ کراچی میں امن بحال ہونے کے بعد تاجر برادری بلاخوف و خطر اپنا کاروبار جاری رکھے ہوئے ہے۔ ہماری ایسوسی ایشن ملک کی خوشحالی اور معاشی ترقی کیلئے مضبوط پاکستان کے ایجنڈے پر سرگرم عمل ہے۔