کراچی(اسٹاف رپورٹر)نارتھ کراچی میں موٹر سائیکل سوار ملزمان نے ڈکیتی میں مزاحمت پر فائرنگ کرکے سیکورٹی گارڈز ماردیا جب کہ اس کا ساتھی زخمی ہوگیا ۔ تفصیلات کے مطابق نارتھ کراچی سیکٹر فائیو ایل ڈگری کالج کے قریب موٹر سائیکل سوار ملزمان نے سیکورٹی گارڈز سے لوٹ مار کے دوران مزاحمت کرنے پر فائرنگ کردی جس کے نتیجے میں 50سالہ اقبال جاں بحق اور42سالہ ندیم ولد علی شیر زخمی ہوگیا جب کہ ملزمان موقع سے فرار ہونے میں کامیاب ہوگئے ۔ ایس ایچ او کا کہنا ہے کہ ہلاک اور زخمی ہونے والا گارڈ عسکری سیکورٹی کمپنی کے ملازم ہیں ۔وہ نارتھ کراچی سیکٹر فائیو ایل میں ڈیوٹی کے بعد گھر جانے کیلئے نکلے تھے کہ نامعلوم ملزمان نے لوٹ مار کے دوران مزاحمت پر فائرنگ کی جب کہ گارڈ کی لاش ورثا کے حوالے کردی ہے ۔