کراچی (اسٹاف رپورٹر)سائٹ ایریا میں ٹریفک حادثے میں خاتون جاں بحق اور لانڈھی میں کام کے دوران چوٹ لگنے سے مزدور جاں بحق ہو گیا۔ سائٹ ایریا کے علاقے نورس چورنگی کے قریب نامعلوم گاڑی کی زد میں آکر ایک خاتون شدید زخمی ہو گئی جس کو فوری طور پر عباسی اسپتال منتقل کیا گیا جہاں پر اس نے زیادہ خون بہہ جانے کی وجہ سے دوران علاج زخموں کی تاب نہ لاتے ہو ئے دم توڑ دیا پولیس نے بتایا کہ اسپتال میں متوفیہ کی شناخت 40سالہ نسرین ولدمنظورعلی کے نام سے کی گئی۔ لانڈھی قذافی ٹاؤن جھونپڑی ہوٹل کے قریب کام کے دوران سر پر وزنی چیز لگنے سے ایک شخص شدید زخمی ہوگیا جس کو فوری جناح اسپتال منتقل کیا گیا جہاں پر اس نے دوران علاج زخموں کی تاب نہ لاتے ہو ئے دم توڑ دیا ،پولیس نے بتایا کہ اسپتال میں متوفی کی شناخت 25سالہ اللہ بخش ولد جان محمد کے نام سے کی گئی۔