کراچی(اسٹاف رپورٹر)سی ٹی ڈی اور پولیس نے کارروائی کرتے ہو ئے کالعدم تحریک طالبان کے اہم دہشت گرد سمیت 21 ملزمان کو گرفتار کرلیا۔تفصیلات کے مطابق کاونٹر ٹیرارزم ڈیپارٹ نے خفیہ اطلاع پر سائٹ کے علاقے نورس چورنگی پر کارروائی کرکے ایک دہشت گرد ریحان محسود عرف صدام کو گرفتار کر کے اسلحہ برآمد کرلیا۔سی ٹی ڈی انچارج مظہر مشوانی نے بتایا کہ گرفتار دہشت گرد کا تعلق کالعدم تحریک طالبان سے ہے اور کچھ عرصہ قبل مقابلے میں مارے جانے والے کمانڈر عابد مچھڑ کا دست راست ہے اور اس نے عابد مچھڑ اور خزان گل کے ہمراہ ٹارگٹ کلنگ سمیت متعدد کارروائیاں کی ہیں۔کورنگی صنعتی ایریا پولیس نے ویٹا چورنگی پر کار سوار شہری اکبر کو لوٹنے کی کوشش کرنے والے 2 ملزمان عثمان اور امان اللہ کو مقابلے کے بعد گرفتار کر کے اسلحہ برآمد کرلیا ، جبکہ 45 لاکھ روپے کی رقم لٹنے سے بچا لی گئی۔نیو کراچی پولیس نے 4 ملزمان واحد شاہ،جاوید،معراج،عمران ، کھارادر پولیس نے2 منشیات فروش منصور ہاشمی ،رمضان ، کورنگی پولیس نے سیاہ شیشے والی گاڑی کو ضبط کر کے سیف علی کو گرفتار کرلیا۔زمان ٹاؤن پولیس نے منشیات فروش عقیل احمد، گٹکا فروش جنید ، الفلاح پولیس نے ملزم ظہور، شاہ فیصل کالونی پولیس نے 2 ملزمان غلام محی الدین، فیصل ، کھوکھراپار پولیس نے گٹکا مافیا کے 2 کارندوں شاہد ، فرحان ، حیدری پولیس نے ملزم محمد خان ،گڈاپ سٹی پولیس نے منشیا ت فروش انداز گل، گارڈن پولیس نے 2 ملزمان عبدالروف اور ندیم کو گرفتار کر کے اسلحہ برآمد کرلیا۔