کوئٹہ(مانیٹرنگ ڈیسک) خضدار کے قریب وین الٹنے سے 8 مسافر جاں بحق ۔ متعدد زخمی ہوگئے ۔تفصیلات کے مطابق تحصیل کرخ کے پہاڑی علاقے ونگو میں شہداد کوٹ سے خضدار جانے والی وین لیویز چوکی کے قریب الٹ گئی۔ جس کے نتیجےمیں 5 مسافر موقع پر ہی جاں بحق ہوگئے جبکہ متعدد افراد شدید زخمی ہوگئے۔ذرائع کے مطابق فوری طبی امداد نہ ملنے کے باعث مزید3 افراد اسپتال میں دم توڑ گئے ۔اطلاع ملتے ہی پولیس اور لیویز کی بھاری نفری جائے حادثہ پہنچ گئی ۔لاشوں اور زخمیوں کو اسپتال منتقل کیا ۔10 زخمیوں کی حالت تشویشناک بتائی جاتی ہے اور مزید ہلاکتوں کا خدشہ ہے۔