کراچی(اسٹاف رپورٹر) ماڑی پور میں گٹر سے 2 تشدد ذدہ لاشیں برآمد ہوئیں۔ تفصیلات کے مطابق ماڑی پور کے علاقے بے نظیر ٹاؤن میں سوکھے ہو ئے گٹر سے 2افراد کی لاشیں ملیں جنہیں پولیس نے تحویل میں لے کر اسپتال منتقل کیا ،ایس ایچ او لیاقت حیات نے بتایا کہ مقتولین ادھیڑ عمرہیں نامعلوم افراد نے انہیں اغوا کے بعد تشدد کا نشانہ بنا کر گلے میں پھندا لگا کر قتل کیا اور لاشیں گٹر میں پھینک دیں۔ لاشیں کم از کم 5 روز پرانی اور ناقابل شناخت ہیں کارروائی کے بعد لاشیں سرد خانے منتقل کردی گئیں۔