اسلام آباد(امت نیوز)پاکستان سنوکر اینڈ بلیئرڈ فیڈریشن کے زیر اہتمام اور این بی پی کے تعاون سے قومی رینکنگ سنوکر چیمپئن شپ آئندہ ماہ 5 اگست سے این بی پی سپورٹس کمپلیکس کے سنوکر جمنازیم ،کراچی میں شروع ہوگی۔ فیڈریشن کے ترجمان نوید کباڈیہ نے بتایا کہ چیمپئن شپ کی تیاریاں زور و شور پر ہیں اور چیمپئن شپ میں ملک بھر سے پنجاب، سندھ ، خیبر پختونخوا اور اسلام آباد کے کھلاڑیوں ایکشن میں نظر آئینگے۔