اسلام آباد(مانیٹرنگ ڈیسک) پاک فوج نے 20ہزارفٹ بلندی پر کامیاب امدادی کارروائی کرتے ہوئے تین دن سے پھنسے روسی کوہ پیما کو بچالیا۔پاک فوج کے شعبہ تعلقات عامہ آئی ایس پی آر کے مطابق فوجی جوانوں نے گلگت بلتستان میں بیافو گلیشیئر کی لیٹوک چوٹی پر پھنسے روسی کوہ پیما لیگزینڈر گوکوف کو بچالیا۔ روسی کوہ پیما لیٹوک ٹاپ پر 25 جولائی سے پھنسا ہوا تھا اور تین دن سے سپلائی بند تھی۔ چار دن میں سات کوششوں کے باوجود امدادی ٹیموں کو کوہ پیما تک رسائی حاصل نہیں ہو سکی تھی۔