علامہ اقبال ٹورنامنٹ میں رائل کلب اور لیڈنگ یونٹ اے کی فتح

اسلام آباد(امت نیوز) رائل کلب اور لیڈنگ یونٹ اے کی ٹیموں نے علامہ اقبال اوپن یونیورسٹی لیڈنگ یونٹ کرکٹ ٹورنامنٹ میں اپنے، اپنے میچز جیت لئے۔ علامہ اقبال اوپن کرکٹ گرائونڈ میں کھیلے گئے پہلے میچ میں رائل کلب نے ایچ ای سی کو 8 وکٹوں سے شکست دی، رائل کلب نے ٹاس جیت کر پہلے فیلڈنگ کا فیصلہ کیا، ایچ ای سی نے مقررہ اوورز میں 4 وکٹوں کے نقصان پر 68 رنز بنائے، رضوان نے 29 رنز اور سجاد نے 24 رنز بنائے، شعیب نے 8 رنز دے کر 2 کھلاڑیوں کو ائوٹ کیا، جواب میں رائل کلب نے مطلوبہ ہدف دو وکٹ کے نقصان پر حاصل کرلیا۔