اسلام آباد (امت نیوز) پاکستان سکواش فیڈریشن ایشیئن جونیئر انفرادی سکواش چیمپئن شپ کیلئے قومی ٹیم کا اعلان آئندہ چند روز میں کرے گی۔ پاکستان سکواش فیڈریشن کے حکام کے مطابق چیمپئن شپ 26 سے 29 ستمبر تک بھارت میں کھیلی جائے گی جس میں انڈر 13، انڈر 15، انڈر 17 اور انڈر 19 کیٹیگری کے مقابلے منعقد ہوں گے۔ فیڈریشن نے تمام کیٹیگری میں شرکت کیلئے کھلاڑیوں کو بھیجنے کا فیصلہ کیا ہے۔ ایونٹ کیلئے حتمی ٹیم کا اعلان ایک دو روز تک کیا جائے گا۔ حکام نے بتایاکہ ایونٹ کی تیاری کیلئے قومی کھلاڑیوں کا تربیتی کیمپ اسلام آباد میں جاری ہے۔