دبئی (این این آئی)انٹرنیشنل کرکٹ کونسل کے چیف ایگزیکٹو ڈیو رچرڈسن آئندہ برس شیڈول ون ڈے ورلڈ کپ کے بعد اپنے عہدے سے مستعفی ہوجائینگے ۔اپنے ایک بیان میں انہوں نے کہا کہ میں گزشتہ 16 برس سے آئی سی سی کے ساتھ اپنے کام سے لطف اندوز ہو رہا ہوں، کیریئر کے دوران آئی سی سی بورڈ اراکین نے بہت تعاون کیا جس پر میں ان کا مشکور ہوں، کرکٹر ہونے کی حیثیت سے جانتا ہوں کہ ریٹائر ہونے کے وقت کا تعین کرنا سب سے مشکل کام ہوتا ہے اسلئے میں سمجھتا ہوں کہ ورلڈ کپ کے بعد اس عہدے کو چھوڑ دینا صحیح وقت ہو گا۔ آئی سی سی چیئرمین ششانک منوہر نے آئی سی سی بورڈ کی جانب سے گورننگ باڈی کیلئے خدمات پر رچرڈسن کا شکریہ ادا کیا۔ان کا کہنا تھا کہ ڈیو رچرڈسن نے کرکٹ کو مقبول بنایا۔ورلڈکپ کے بعد انکی ریٹائرمنٹ پر افسوس ہوگا۔