کراچی (اسٹاف رپورٹر)شیرشاہ میں گیس لائن پھٹنے سے 2افراد جاں بحق اور بچے سمیت 3 زخمی ہوگئے ۔ تفصیلات کے مطابق جناح روڈ پرجامع مسجد مصطفی کے قریب گھر کی پہلی منزل پرگیس لائن زور دار دھماکے سے پھٹ گئی جس کے نتیجے میں5افراد شدید زخمی ہوگئے ۔ اطلاع ملتے ہی پولیس اوررضا کاروں نے زخمیوں کو نجی اسپتال پہنچایا ، جہاں20سالہ اشرف اور25سالہ سبحان زخموں کی تاب نہ لاتے ہوئے دم توڑگئے ، ایس ایچ او مختیار احمد نے امت سے کو بتایا کہ25 سالہ زبیر ولد قاسم ، 10 سالہ اسماعیل ولد عمر اور 28 سالہ اکبر ولد فضل اسپتال میں زیر علاج ہیں ۔مذکورہ افراد کرائے پر رہائش پذیر تھے اور گھر کے نیچے سے گذرنے والی گیس لائن دھماکےسے پھٹ گئی ۔ پولیس واقعہ کی تمام پہلوؤں سے تفتیش کررہی ہے ۔