ریاض(اے پی پی) سعودی عرب کی حالہ عمار چیک پوسٹ پر متعین کسٹم اہلکاروں نے بڑی مقدار میں ائیر گن کے چھرے اور ڈھائی لاکھ ریال اسمگل کرنے کی کوشش ناکام بنا دی۔ ریجنل کسٹم ڈائریکٹر کا کہنا تھا کہ قانون کے مطابق سعودی عرب آنے اور جانے والے مسافروں پر لازم ہے کہ وہ اپنے ہمراہ لانے اورلے جانے والی نقد رقم اور قیمتی جوہرات اگر انکی مالیت 60ہزار ریال سے زائد ہو تو اسکا اندراج کروائیں بصو رت دیگر انکے خلاف قانونی چارہ جوئی کی جائے گی۔