گجرات(امت نیوز ) پاکستان کے نامور سپوت راجہ عزیز بھٹی شہید (نشا ن حیدر) کا 95واں یوم پیدائش آج6 اگست بروز پیر کو عقیدت واحترام کے ساتھ منایا جائے گا۔یوم پیدائش کے سلسلہ میں بھرمیں تقریبات انعقاد پذیر ہوں گی ۔ میجرعزیزبھٹی 6اگست 1923 کو ہانگ کانگ میں پیداہوئے ۔ قیام پاکستان کے بعد21 جنوری1948 کو پاکستان ملٹری اکیڈمی میں شامل ہوئے اورپنجاب رجمنٹ میں سیکنڈلیفٹیننٹ کی حیثیت سے شمولیت اختیار کی،1956 میں ترقی کرتے ہوئے میجر بن گئے۔6 ستمبر1965 کو بھارتی حملے کے وقت میجر راجہ عزیز بھٹی لاہور سیکٹر میں کمپنی کمان کررہے تھے۔ دشمن کے تابڑ توڑ حملوں کے باوجود اپنے جوانوں کے ساتھ پوزیشن پرڈٹے رہے اور 12ستمبر1965 کو بھارتی ٹینک کاگولہ لگنے سے جام شہادت نوش کیا ۔