کراچی (پ ر) کراچی ٹرانسپورٹ ایکشن کمیٹی کے صدر اشرف بنگلوری نے اپوزیشن جماعتوں سے اپیل کی ہے کہ وہ تحمل کا مظاہرہ کریں اور تحریک انصاف کو حکومت کرنے کا موقع تو دیں۔ اگر تحریک انصاف بھی عوام کے مسائل حل نہ کرسکی اور کرپشن میں ملوث ہوئی تو عوام اسکا بھی وہی حشر کرینگے جو اپوزیشن جماعتوں کا کیا ہے۔ انہوں نے کہا کہ کچھ اپوزیشن جماعتیں 30سال سے اقتدار میں آرہی ہیں مگر انہوں نے عوامی مسائل، ملک کیلئے کام نہیں کیا۔ اپوزیشن جماعتوں نے جو اتحاد تحریک انصاف کے خلاف قائم کیا ہے اگر یہی اتحاد عوامی مسائل حل کرنے اور ملک کی ترقی کیلئے کرتی تو تحریک انصاف آگے نہ آتی۔