راولپنڈی (امت نیوز) انٹر ریجنل انڈر 19 ون ڈے ٹورنامنٹ میں (کل) منگل کو مزید آٹھ میچوں کا فیصلہ ہوگا۔ تفصیلات کے مطابق انٹر ریجنل انڈر 19 ون ڈے ٹورنامنٹ 2018 کے دلچسپ مقابلوں کا سلسلہ ملک بھر میں جاری ہے۔ ایونٹ میں (کل) منگل کو آٹھ میچ کھیلے جائیں گے۔ لاہور بلیوز اور لاڑکانہ کے مابین میچ ٹی ایم سی گرائونڈ کراچی میں کھیلا جائے گا۔ کراچی بلیوز اور ملتان کی ٹیمیں این بی پی سپورٹس کمپلیکس کراچی میں مدمقابل ہوں گی۔ بہاولپور اور ایبٹ آباد کے مابین میچ نیشنل سٹیڈیم کراچی میںکھیلا جائے گا۔ حیدر آباد اور پشاور کی ٹیمیں یو بی ایل سپورٹس کمپلیکس کراچی میں آمنے سامنے ہوں گی۔