کراچی(اسٹاف رپورٹر) گلشن معمار۔سٹی کورٹ کے قریب سے 2 لاشیں ملیں ۔سرجانی ،اسکاوٹ اور گلشن معمارمیں فائرنگ اور چھریوں کے وار سے 2بھائیوں سمیت 4افراد زخمی ہو گئے ۔تفصیلات کے مطابق واٹر بورڈ پمپنگ اسٹیشن کے عقب میں جنگل سے ایک نامعلوم شخص کی گولی لگی لاش ملی جسے پولیس نےتحویل میں لے کر اسپتال منتقل کیا، پولیس کے مطابق مقتول کو نامعلوم ملزمان نے سر پر گولی مارکر قتل کیا اور لاش پھینک کر فرار ہوگئے جبکہ مقتول کے پاس سےشناخت کی کوئی چیز نہیں ملی ۔لاش شناخت کے لئے سرد خانے منتقل کردی گئی ۔ سٹی کورٹ کے قریب فٹ پاتھ سے45سالہ حماد علی ولدعباد علی کی لاش ملی ، جسےسول اسپتال منتقل کیا گیا ۔سرجانی میں گڈاپ کالج کے قریب اندھی گولی لگنے سے 55 سالہ غلام حیدر ولد رحیم داد زخمی ہوگیا۔ اسکائوٹ کالونی بلال مسجد کے قریب ملزمان نے ڈکیتی مزاحمت پر 40 سالہ عبدالصمد ولد احمد دین کو گولی مار کر زخمی کر دیا ۔گلشن معمار کے نور محمد خان گوٹھ میںذاتی جھگڑے میں چھریوں کے وار سے دو بھائی عثمان اور شفیق ولد عبدالستار زخمی ہوگئے۔