قومی کراٹے ٹیم دائو پیج کیلئے تیار

اسلام آباد (امت نیوز)پاکستان واپڈا سے تعلق رکھنے والے قومی کوچ شاہ محمدشان نے کہا ہے کہ قومی کراٹے ٹیم ایشین گیمز میں توقعات پر پورا اترنے کی بھر پور کوشش کرے گی، انہوں نے کہا کہ ایشین گیمز کی تیاری کے سلسلہ میں قومی ٹیم کے کھلاڑیوں کا تربیتی کیمپ پاکستان سپورٹس کمپلیکس میں جاری ہے جس میں ملک بھر سے 15 کھلاڑی بھر پور محنت کر رہے ہیں، جن میں 8 مرد اور 7 خواتین کھلاڑی شامل ہیں انہوں نے کہا کہ مرد کھلاڑیوں میں محمد کاشف، سعدی عباس،باز محمد، نصیر احمد، علی محمود، ظفر اقبال، وحید احمد اور عجب خان شامل ہیں ان کھلاڑیوں پاکستان واپڈا کے قومی کوچ عبدالرازق تربیت دے رہے ہیں جبکہ خواتین کھلاڑیوں میں کلثوم، بینش اکبر، قرات العین،نرگس و دیگر شامل ہیں۔