لاہور (امت نیوز) پشاور زلمی اور زلمی فاونڈیشن کے زیر اہتمام پہلا زلمی آزادی کپ پشاور میں شروع ہوگیا ، ابتدائی میچ میں پشاور بلیوز نے نوشہرہ بلیوز کو چھبیس رنز سے شکست دی ۔ پاکستان سپر لیگ کی نمبرون فرنچائز پشاور زلمی اور زلمی فاونڈیشن کے زیر اہتمام زلمی آزادی کپ خیبر پختونخواہ میں شروع ہوگیا۔ زلمی آزادی کپ سات سے 14 اگست تک خیبر پختونخواہ میں جاری ہے گا۔جس میں صوبے بھر سے باون کھلاڑی شریک ہیں۔ اور ایونٹ میں ہزار سے زائد نوجوان کرکٹرز ان ایکشن ہیں۔ ٹورنامنٹ کی افتتاحی تقریب اور میچز ارباب نیاز اسٹیڈیم پشاور میں کھیلے گئے۔ پشاور زلمی کے ہیڈکوچ محمد اکرم بھی اس موقع پر موجود تھے، محمد اکرم نے کہا کہ پشاور زلمی اور زلمی فاونڈیشن خیبر پختونخواہ میں گراس روٹ لیول پر کرکٹ کے فروغ کےلیےبھرپور کردار ادا کررہی ہے۔