اسلام آباد(امت نیوز)پاکستان کرکٹ بورڈ کے زیراہتمام جاری قومی انٹر ریجن انڈر۔19 کرکٹ ٹورنامنٹ میں چوتھا مرحلہ مکمل ہونے کے بعد پوائنٹس ٹیبل پر کوئٹہ اور پشاورریجنز کی ٹیمیں اپنے، اپنے گروپوں میں سرفہرست ہیں۔ تفصیلات کے مطابق گروپ اے میں کوئٹہ ریجن کی ٹیم 7 پوائنٹس کے ساتھ پہلے نمبر پر ہے جبکہ فیصل آباد اور اسلام آباد ریجن کی ٹیمیں بالترتیب پانچ اور چھ پوائنٹس کے ساتھ دوسری اور تیسری پوزیشن پر ہیں۔ اسی طرح گروپ بی میں پشاور ریجن کی ٹیم 8 پوائٹس کے ساتھ پہلی پوزیشن پر ڈیرے جمائے ہے جبکہ کراچی بلیوز اور ایبٹ آباد ریجن کی ٹیمیں بالترتیب 6 اور 4 پوانٹس کے ساتھ دوسرے اور تیسرے نمبر پر ہیں، ملتان ریجن کی ٹیم ابھی تک ٹورنامنٹ میں کوئی پوائنٹ نہ لے سکی۔