اسلام آباد(امت نیوز)اسلام آباد فٹ بال ایسوسی ایشن کے زیراہتمام جشن آزادی فٹ بال ٹورنامنٹ میں جی ایٹ یونائیٹڈ کلب نے گلگت بلتستان کلب کو ایک میچ میں 2-0 گول سے ہرا دیا ۔ جی نائن گراؤنڈ میں کھیلے گئے میچ میں وقفے تک جی ایٹ یونائیٹڈ کلب کو گلگت بلتستان کلب کے خلاف سے 1-0 گول سے برتری حاصل تھی، دوسرے ہاف میں جی ایٹ یونائیٹڈ کلب نے مزید ایک گول کرکے مقابلہ 2-0 گول سے جیت لیا، کھیل کے پہلے ہاف کے 10 ویں منٹ میں جی ایٹ یونائیٹڈ کلب کے غیور خان نے گول کرکے اپنی ٹیم کو برتری دلائی