اسلام آباد (نمائندہ امت )ایف نائن پارک میں لڑکی سے زیادتی کرنے میں ملوث 5 ملزمان گرفتار کرلیے گئے۔ گرفتارملزمان میں سی ڈی اے اور سیکورٹی کمپنی کے ملازمین شامل ہیں۔تفصیلات کے مطابق اسلام آباد کے مشہور ایف نائن پارک میں ایک لڑکی کے ساتھ مبینہ زیادتی کے بعد اسلام آباد پولیس جاگ گئی اورمذکورہ واقعہ میں ملوث 5 ملزمان جن میں سی ڈی اے کے 3 اور نجی سیکورٹی کمپنی کے 2 اہلکارشامل ہیں کو گرفتار کرلیا ہے۔ پولیس ترجمان نے 4 ملزمان کی گرفتاری کی تصدیق کی اور کہا کہ ملزمان میں مراد، شیراز کیانی، عبداللہ و دیگر شامل ہیں۔ترجمان اسلام آباد پولیس کے مطابق ایف نائن سمیت اسلام آباد کے دیگر پارکوں اور سیاحتی مقامات پر شہریوں کو محفوظ ماحول فراہم کرنے کے لئے تمام تر ضروری اقدامات بروئے کار لائے جارہے ہیں۔