کک باکسنگ چیمپئن شپ آج کھیلی جائیگی

اسلام آباد(امت نیوز)راولپنڈی کک باکسنگ ایسوسی ایشن کے زیراہتمام اور سپورٹس ڈیپارٹمنٹ راولپنڈی کے تعاون سے جشن آزادی کک باکسنگ چیمپئن شپ (آج) جمعہ کو شہباز شریف سپورٹس کمپلیکس، راولپنڈی میں کھیلی جائے گی۔ چیمپئن شپ کا افتتاح ڈسٹرکٹ سپورٹس آفیسر راولپنڈی حاجی وحید بابر کریں گے۔ راولپنڈی ڈویژنل کک باکسنگ ایسوسی ایشن کے جنرل سیکرٹری عمران علی نے بتایا کہ چیمپئن شپ کے تمام انتظامات مکمل کر لئے گئے ہیں اور چیمپئن شپ میں راولپنڈی کے باکسر مختلف نو ویٹ کیٹگریز میں حصہ لیں گے جن میں منفی 45 کلوگرام، 49 کلوگرام، 54 کلوگرام، 59 کلوگرام، 64 کلوگرام، 69 کلوگرام، 74 کلوگرام، 79 کلوگرام اور 84 کلوگرام شامل ہیں۔