کراچی(اسٹاف رپورٹر) نارتھ ناظم آباد میں مبینہ مقابلے کے دوران پولیس فائرنگ سے راہگیر زخمی ہوگیا۔ ایک ملزم کو گرفتار کرکے اسلحہ برآمد کرلیاگیا ۔ تفصیلات کے مطابق نارتھ ناظم آباد بلاک اےمیں مبینہ مقابلے کے دوران پولیس فائرنگ سے راہگیر سرتاج زخمی ہوگیا، ایس ایچ او اقبال خان نے بتایا کہ رکشے میں سوار دو ملزمان ایک شہری فہد کو لوٹ کر فرار ہورہے تھے کہ فہد نےپولیس کو اطلاع دی جس پر گشت پر مامور پولیس موبائل موقع پر پہنچ گئی اور ملزمان کا تعاقب کیااس دوران ملزمان نے پولیس پر فائرنگ کردی تاہم پولیس نے ایک ملزم کو گرفتار کرکے اسلحہ برآمد کرلیا، ایس ایچ اونے مزید کہا کہ راہگیر سرتاج ملزمان کی فائرنگ سے زخمی ہوا۔